Úndistan halqyn soǵysqa baılanysty qatań únemdeýge shaqyrdy
ASTANA. KAZINFORM - Úndistan premer-mınıstri Narendra Modı azamattardy shyǵyndy azaıtyp, kúndelikti ádetterin ózgertýge shaqyrdy, dep habarlaıdy AlJazeera.
Úkimet bul sharalar eldiń valıýtalyq qoryn saqtap qalý úshin.
Iran tóńiregindegi qaqtyǵys pen Ormýz buǵazy arqyly jetkizilim júıesiniń buzylýy Úndistan ekonomıkasyna aýyr tıgen.
Energııa tasymaldaýshylar baǵasynyń qymbattaýy da jaǵdaıdy ýshyqtyrǵan.
Sońǵy aılarda eldiń valıýtalyq rezervi ondaǵan mıllıard dollarǵa azaıǵan.
Osyǵan baılanysty Narendra Modı halyqqa birneshe usynys jasady.
Premer-mınıstr janarmaı únemdeý úshin qashyqtan jumys isteýge kóshýge shaqyrdy.
Sondaı-aq qoǵamdyq kólik pen ortaq avtokólik qyzmetterin kóbirek paıdalanýdy usyndy.
Úkimet ósimdik maıyn tutynýdy azaıtý qajet ekenin aıtty.
Budan bólek, azamattarǵa kem degende bir jyl boıy altyn satyp almaýǵa jáne shetelge saıahattamaýǵa keńes berildi.
Aýyl sharýashylyǵynda tyńaıtqysh qoldaný kólemin eki ese qysqartý usynyldy.
Úndistan bıliginiń málimdeýinshe, qazirgi jaǵdaıda jaýapty tutyný — ekonomıkany saqtap qalýǵa qajet patrıottyq qadam.
Osyǵan deıin Taıaý Shyǵystaǵy qaqtyǵysqa baılanysty EO energııa shyǵyndary 24 mlrd eýroǵa artqany týraly jazdyq.
