Úndistan ǵaryshqa adam tárizdi robot jiberedi

ASTANA. KAZINFORM – Úndi ǵaryshtyq zertteýler uıymy (ISRO) ushqyshsyz úsh mıssııany júzege asyrýdy josparlap otyr. Onyń ishinde Gaganıaan ushyrylymyna deıin ǵaryshqa robotty synaq júıelerine jiberý kózdeldi, dep habarlaıdy Kazinform Deccan Herald basylymyna silteme jasap. 

Bul týraly ISRO uıymynyń basshysy V Naraıanan málimdedi. 

Ol Gaganıaan mıssııasyn 2027 jyldyń naýryz aıyna deıin iske qosý úshin bar kúsh-jigerin salyp jatqanyn aıtty. 

– Ushqyshsyz úsh mıssııany josparladyq. Birinshisi osy jyldyń jeltoqsan aıynda ushyrylady. Biz ǵaryshqa gýmanoıdty jiberemiz. Ol Robot Vemmıtra dep atalady. Eger mıssııa sátti bolsa, 2027 jyly sońǵy ushyrylymǵa deıin 2026 jyly taǵy eki mıssııany oryndaımyz, - dedi ol. 

Aıta keteıik, Gaganıaan – Úndistan tarıhyndaǵy alǵashqy ǵaryshqa ushý baǵdarlamasy. 

Buǵan deıin Úndistan qysqa qashyqtyqqa arnalǵan eki ballıstıkalyq zymyran – Prithvi-II jáne Agni-I-di synaqtan sátti ótkizgen bolatyn. Bul týraly eldiń Qorǵanys mınıstrligi baspasóz habarlamasynda málim etti.