Úndistan eki ballıstıkalyq zymyranyn synaqtan ótkizdi

NЬıÝ-DELI. KAZINFORM – Úndistan qysqa qashyqtyqqa arnalǵan eki ballıstıkalyq zymyran – Prithvi-II jáne Agni-I-diń synaqtyq ushyrýlaryn sátti júzege asyrdy. Bul týraly eldiń Qorǵanys mınıstrligi baspasóz habarlamasynda málim etti, dep jazady TASS.

Synaqtar eldiń shyǵysyndaǵy Odısha shtatynda ornalasqan Chandıpýr polıgonynda ótti. Zymyrandar Strategııalyq kúshter qolbasshylyǵynyń baqylaýymen ushyryldy.

– Barlyq tehnıkalyq jáne paıdalaný parametrleri rastaldy, – dep atap ótti úndi áskerı vedomstvosy.

Prithvi-II men Agni-I Úndistannyń strategııalyq arsenalynyń quramyna kiredi jáne joǵary dáldikpen soqqy jasaýǵa arnalǵan. Prithvi-II 0,5-1 tonna aralyǵyndaǵy oqtumsyqtardy alyp júre alady, ushý qashyqtyǵy – 250-350 shaqyrym. Ol zymyrannan qorǵaný júıelerinen jaltarý tehnologııasymen jabdyqtalǵan jáne nysanaǵa baǵyttaýdyń eń jańa júıesin qoldanady.

Agni serııasyndaǵy ballıstıkalyq zymyrandar Úndistan Qorǵanys mınıstrliginiń basqarylatyn snarıadtardy ázirleý boıynsha keshendi baǵdarlamasy aıasynda jasalǵan. Qazirgi tańda eldiń qarýly kúshterinde bul zymyrandardyń tórt túri bar. Agni-I zymyranynyń ushý qashyqtyǵy 700 shaqyrymǵa deıin jetedi.

Aıta keteıik, mamyr aıynda Soltústik Koreıa Japonııa teńizine qaraı qanatty zymyrandar ushyrǵanyn jazdyq.