Úndistan alǵashqy otandyq chıpin 2025 jyly shyǵarady
ASTANA. KAZINFORM — Úndistan 2025 jyly óz óndirisindegi alǵashqy chıpti shyǵarady. Bul týraly eldiń aqparattyq tehnologııalar mınıstri Ashvını Vaıshnav ońtústiktegi Haıdarabad qalasynda ótken konferentsııada málimdedi, dep jazady TASS.
Onyń aıtýynsha, Úndistan jartylaı ótkizgishter naryǵynda álemdik deńgeıdegi mańyzdy oıynshy bolýǵa daıyn.
— Qazirgi ýaqytta biz jartylaı ótkizgish chıpterin óndirýdi bastadyq. Biz qazirdiń ózinde osyndaı alty zaýyttyń qurylysyn maquldadyq. Qurylystar júrip jatyr. Úndistanda óndirilgen alǵashqy chıp 2025 jyly shyǵarylady, — dedi ol.
Buǵan deıin Úndistan úkimeti elde jartylaı ótkizgishter óndirisi salasyn damytý nıeti baryn málimdegen. Osy maqsatta bılik sheteldik kompanııalardy belsendi túrde tartyp jatyr.
Úndistannyń elektronıka salasy qaýymdastyǵynyń málimetinshe, 2030 jylǵa qaraı eldegi jartylaı ótkizgishter naryǵynyń kólemi 100 mıllıard dollardan asady.
Aıta keteıik, «Bolashaq» túlegi shákirtterimen birge otandyq mıkrochıp jasap shyǵarǵanyn habarlaǵan edik.