Úndistan AQSh-tan 500 mıllıard dollardyń taýaryn satyp alýǵa daıyn
ASTANA.KAZINFORM - Nıý-Delıde premer-mınıstr Narendra Modımen kezdesý barysynda AQSh Memlekettik hatshysy Marko Rýbıo «AQSh-Úndistan seriktestiginiń strategııalyq mańyzdylyǵyn atap ótti, - dep habarlaıdy Kazinform agenttiginiń Vashıngtondaǵy tilshisi.
Memlekettik departament Rýbıonyń Úndistanǵa tórt kúndik sapary kezindegi kelissózderi saýda, energetıka jáne qorǵanys salasyndaǵy yntymaqtastyqqa baǵyttalatynyn habarlady.
-Biz kelesi aptada nemese odan keıingi aptada kelisimge kelemiz dep úmittenemiz. Biraq biz kelisimniń sońǵy kezeńine jettik. Men tabysqa jetetinime senimdimin. Bizde optımıstik kózqarasta bolýǵa negiz bar, sebebi biz saýda kelisimin jasasýdyń aldynda turmyz, - dedi Marko Rýbıo Úndistanda.
Beısenbi kúni Rýbıo AQSh Úndistannyń energetıkalyq jetkizilimindegi óz úlesin keńeıtý týraly kelissózder júrgizip jatqanyn aıtty.
-Biz olarǵa qansha energııa surasa, sonsha energııa satqymyz keledi. Bizde Úndistanmen birlesip isteıtin jumys kóp. Eki el odaqtas ári seriktes. Biz olarmen keńinen yntymaqtasamyz, - dedi Marko Rýbıo.
AQSh Memlekettik hatshysy premer-mınıstr Narendra Modımen kezdeskennen keıin Úndistanmen iri kelisimge qol qoıǵanyn jarııalady.
-Úndistan aldaǵy bes jylda energetıka, tehnologııa jáne aýyl sharýashylyǵyna basa nazar aýdara otyryp, 500 mıllıard dollarlyq AQSh taýaryn satyp alýǵa mindettendi, - dep jazdy Marko Rýbıo óziniń Facebook paraqshasynda.
Huge thanks to @USAmbIndia Sergio Gor and our American diplomats for their efforts. Because of their great work, India has committed to purchasing $500 billion in U.S. goods over the next five years focusing on energy, technology, and agriculture. They're doing terrific work on… pic.twitter.com/iuZFOV1IWv
— Secretary Marco Rubio (@SecRubio) May 23, 2026
Rýbıo Úndistanda bolǵan kezde AQSh-tyń Iran qaqtyǵysyna qatysty saıasatymen bólisti.
-Iran úsh másele boıynsha baıypty kelissóz júrgizýi kerek: ıadrolyq qarýdy eshqashan jasamaý mindettemesi, ýrandy baıytý múmkindikterine uzaq merzimdi shekteý jáne joǵary baıytylǵan ýranmen ne isteý kerek degen másele jóninde, - dedi Marko Rýbıo.
AQSh Memlekettik hatshysy búkil álem úshin eń shuǵyl jáne mańyzdy qadam - buǵazdar arqyly keme qatynasyn qaıta bastaý ekenin atap ótti.
Rýbıo «AQSh Iranǵa álemdik energetıka naryǵyn kepilge alýǵa jol bermeıdi jáne amerıkalyq energetıkalyq resýrstar Úndistannyń energetıkalyq resýrstaryn ártaraptandyra alatynyn rastaıdy» dep málimdedi.
Osyǵan deıin AQSh pen Iran mámileniń negizgi sharttary boıynsha kelisimge kelgeni týraly jazdyq.
