Úndistan Air India ushaǵy apatynyń sebepterin bir aı ishinde jarııalaıdy
ASTANA. KAZINFORM – 260 adamnyń ómirin qıǵan Air India áýe kompanııasy ushaǵynyń apatyn tergeý isi sońǵy kezeńge jetti. Bul týraly juma kúni Úndistannyń Azamattyq avıatsııa mınıstri Ram Mohan Naıdý Kındjarapý málimdedi, dep habarlaıdy Xinhua agenttigi.
– Qolymyzdaǵy málimetterge sáıkes, tergeý aıaqtalýǵa jaqyn. Taǵy shamamen bir aıdan keıin protsess tolyq támamdalady, – dedi mınıstr Gýdjarat shtatyndaǵy is-shara barysynda.
Onyń aıtýynsha, tergeý baıypty, ádil jáne ashyq júrgizilip jatyr.
Boeing 787-8 Dreamliner ushaǵy 2025 jylǵy 12 maýsymda Ahmedabad qalasyndaǵy Sardar Vallabhaı Patel atyndaǵy halyqaralyq áýejaıdan ushyp shyqqannan keıin kóp uzamaı apatqa ushyraǵan. Ushaq London baǵytyna bet alǵan.
Borttaǵy 242 jolaýshy men ekıpaj múshesiniń bireýinen basqasynyń bári qaza tapty. Sonymen qatar jerde taǵy 19 adam kóz jumdy.
Úndistannyń avıatsııalyq oqıǵalardy tergeý bıýrosynyń aldyn ala derekterine sáıkes, apatqa ushqyshtardyń kabınadaǵy janarmaı berý tetikterin basqarý kezinde shatasýy sebep bolǵan. Sonyń saldarynan qozǵaltqyshtarǵa qýat berý toqtaǵan.
Buǵan deıin atalǵan ushaq apaty boıynsha aldyn ala esep jarııalandy.
Eske sala ketsek, byltyr maýsym aıynda bortynda 240 adam bolǵan Air India ushaǵy apatqa ushyrap, dárigerlerge arnalǵan jataqhana ǵımaratyna qulaǵan. SІM apatqa ushyraǵan bortta zardap shekken qazaqstandyqtar joq dep málimdedi. Sonymen qatar bir jolaýshy tiri qalǵany týraly da jazǵan edik.
