Úndistiń kózinen 12 santımetrlik qurt alyndy
ASTANA. 1 shilde. QazAqparat - Bombeıdiń Fortis aýrýhanasynda adam aıtsa sengisiz jaǵdaı oryn aldy. Krıshnamýrtı tekti 75 jastaǵy úndis aýrýhanaǵa qaralýǵa kelip, kóziniń aýyryp júrgendigin jáne qyzaryp ketkendigin aıtqan.
Dárigerler onyń kóziniń aýyrǵanyn basý úshin dári-dármek bergen. Dáriniń esh áseri bolmaǵandyqtan, dárigerler taldaý jasap, onyń kózinde 12,5 santımetrlik qurt bar ekendigin baıqaǵan, - dep habarlady Bı-Bı-Sı Orys qyzmeti.
Sıtaraman esimdi dárigerdiń basshylyǵymen bir top dárigerler qurtty alyp shyǵý úshin onyń kózine ota jasaǵan. Operatsııa 15 mınýtqa sozylǵan.
Dárigerdiń sózine qaraǵanda, ol emdelýshiniń kózinen uzyn qurtty alyp shyqqanda qatty tańǵalǵan.
«Qyzmetimniń 30 jyl ishinde basymnan ótken jaılar za emes, árıne. Biraq mundaı jaǵdaıdy birinshi ret kórip turmyn!», - dedi Sıtaraman.
Dárigerdiń sózine qaraǵanda, aman qalǵan emdelýshiniń qaıta joly bolǵan. Egerde qurtty ýaqytynda alyp shyqpaǵanda, ol kózden mıge shaýyp, nevrologııalyq aýyrtpalyqtarǵa ákeletin edi, dep atap ótti ol.
«Qazirgi ýaqytta emdelýshiniń jaǵdaıy qalypty, ózin jaqsy sezinedi», - dedi dáriger.
