Úndistannyń Ýttar-Pradesh shtatynda bir aptada 49 adamǵa jaı túsip, kóz jumdy
NЬıÝ-DELI. QazAqparat – Úndistannyń soltústigindegi Ýttar-Pradesh shtatynda alty adamǵa jaı túsip, qaza tapty. Olar negizinen sharýalar edi. Jalpy, osy aptada naızaǵaı túsip mert bolǵandar sany 49 adamǵa jetti, dep habarlaıdy QazAqparat ABC News-ke silteme jasap.
Oqıǵa Kaýshambı qalasyna jaqyn mańda bolǵan. Sharýalar tolassyz jańbyr jaýyp jatqanda aǵashtardyń astyn panalap turǵan. Osy kezde aǵashqa jaı túsip, sol jerdegiler birden qaza tapqan. Polıtsııa málimetinshe, qurbandar arasynda bir otbasynyń tórt múshesi jáne birneshe malshy bolǵan.
Qaza tapqandar sanynyń artýyna baılanysty úkimet halyqqa naızaǵaı kezinde ózin qalaı qorǵaý keregi týraly jańa erejeler taratty. Sebebi, Úndistanda mýssondar kezeńi maýsymnan qyrkúıekke deıin jalǵasady.
Lightning India Resilient Campaign uıymynyń málimetinshe, sáýir aıynan beri nvızaǵaı Úndistanda 750-ge jýyq adamnyń ómirin qıdy.
Ǵylym jáne qorshaǵan ortany zertteý ortalyǵynyń dırektory Sýnıta Naraınnyń aıtýynsha, naızaǵaıdyń kóbeıýine jahandyq jylyný da áser etip otyr. Atap aıtqanda, aýa temperatýrasy Tselsıı baǵanasy boıynsha bir gradýsqa kóterilse, naızaǵaı túsý oqıǵalary 12 ese jıileıdi.
Foto: masterinvestor.co.uk
