Úndistannyń syrtqy ister mınıstri Qazaqstannyń Táýelsizdik kúnin toılaýǵa qatysty

BEIJІŃ-DELI. QazAqparat - Qazaqstan Respýblıkasy Táýelsizdiginiń 26 jyldyǵyn atap ótý aıasynda Úndistan astanasyndaǵy bedeldi qonaqúılerdiń biri sanalatyn «Imperıalda» dıplomatııalyq qabyldaý ótti, dep habarlaıdy Qytaıdaǵy «QazAqparat» HAA menshikti tilshisi.

2017 jyldyń 4 jeltoqsanynda ótken is-sharaǵa Úndistannyń memlekettik syrtqy ister mınıstri Mobashar Djaved Akbar, Qurmanǵazy atyndaǵy Qazaq ulttyq konservatorııasynyń rektory, tanymal pıanınoshy Jánııa Áýbákirova, QR Tuńǵysh Prezıdenti - Elbasy qory dırektorynyń orynbasary mindetin atqarýshy Sergeı Toqtarov, Úndistannyń saıası jáne qoǵam qaıratkerleri, dıplomatııalyq ókildikterdiń basshylary jáne taǵy basqa qonaqtar qatysty.

Qazaqstan elshisi Bolat Sársenbaev quttyqtaý sózinde bıyl Qazaqstan men Úndistan arasyndaǵy dıplomatııalyq qatynastardyń ornaǵanyna 25 jyl tolǵanyn atap ótti.

«Qazaqstan men Úndistan strategııalyq áriptes bola otyryp, ózara tyǵyz baılanys ornatyp, bir-birin únemi qoldap keledi», - dedi ol.

Keshte Qurmanǵazy atyndaǵy Qazaq ulttyq konservatorııasynyń ártisteri óner kórsetip, «Tanylmaǵan Qazaqstan» fotokórmesi ótti.

Budan buryn Delıde Tuńǵysh Prezıdent kúni qurmetine «Kýtb-Mınar» tarıhı kesheniniń aýmaǵynda «Tanylmaǵan Qazaqstan» fotokórmesi, sondaı-aq Jánııa Áýbákirovanyń jeke kontserti uıymdastyrylǵan bolatyn.