Úndistannyń soltústiginde jol apatynan toǵyz adam qaza tapty
NЬıÝ-DELI. QazAqparat – Beısenbi kúni tańerteń Úndistannyń soltústigindegi Ýttar-Pradesh shtatynda jol talǵamaıtyn kólik pen júk kóliginiń soqtyǵysýy saldarynan keminde toǵyz adam qaza taýyp, úsheýi zardap shekti, dep habarlaıdy QazAqparat The Times of India gazetine silteme jasap.
Basylymnyń habarlaýynsha, oqıǵa Agra qalasynda bolǵan. Aldyn ala málimetter boıynsha jol talǵamaıtyn kóliktiń júrgizýshisi ony basqara almaı, qarsy jolǵa shyǵyp ketip, júk kóligimen soqtyǵysqan.
Jol apatynan qaza tapqandardyń barlyǵy oqıǵa ornynda kóz jumdy, zardap shekkender aýrýhanaǵa jetkizildi.
Resmı derekter boıynsha, kún saıyn Úndistan joldarynda jol-kólik apatynan 415 adam mert bolady.
