Úndistannyń soltústiginde nóser jaýynnyń saldarynan 58 adam qurban boldy
ASTANA. QazAqparat - Sońǵy úsh táýlikte tolassyz jaýǵan nóser jaýynnyń saldarynan Úndistannyń Ýttar-Pradesh shtatynda qurban bolǵandar sany 58-ge jetti. Taǵy 53 adam jaraqat alǵan, dep habarlaıdy Press Trust of India agenttigi jergilikti bılik ókilderine silteme jasaı otyryp.
Osyǵan deıin keminde 49 adamnyń mert bolǵandyǵyn Rıa Novostı agenttigi habarlaǵan bolatyn.
Mert bolǵandar týraly málimetter Saharanpýr, Agra, Meerýt, Manıpýrı, Kasgandj ben ózge de aýdandarynyń eldi mekenderinen kelip túsip jatyr.
Kóp jaǵdaıda adamdar turǵyn úılerdiń shatyrlarynyń, aǵashtar men elektr baǵandarynyń qulaýy men naızaǵaıdyń túsýi saldarynan qurban bolǵan.
Ýttar-Pradeshtiń Bas mınıstri Iogı Adıtıanath osyǵan deıin jergilikti atqarýshy organdarǵa qutqarý operatsııasyn bastap, tabıǵat apatynyń saldarynan baspanalarynan ajyraǵan azamattarǵa kómek kórsetýdi tapsyrǵan.
