Úndistannyń soltústiginde kúshti jer silkinisi boldy
ASTANA. 19 qyrkúıek. QazAqparat - Úndistannyń soltústiginde terbelisi 6,9 balldyq jer silkinisi boldy. Bul týraly jergilikti BAQ-qa silteme jasap, reseılik «Jańalyqtar» agenttigi habarlady.
Jýrnalısterdiń málimetterine qaraǵanda, jerasty dúmpýleri el astanasy - Nıý-Delıde sezildi, munda dúmpýdiń qaıtalanýy múmkindiginen seskengen kóptegen turǵyndar úılerinen syrtqa shyqty. Seısmologtardyń habarlaýynsha, jer silkinisiniń kindigi - Gımalaı taýlarynyń betkeıine ornalasqan Sıkkımde bolǵan. Jerasty dúmpýi sondaı-aq Kolkate, Gývahatı, Lakhnaý jáne basqa da Úndistan qalalarynda sezilgen. Qurban bolǵandar men qıratýlar týraly ázirge habarlanǵan joq.
