Úndistannyń soltústiginde indet 18 balanyń ómirin qıdy
ASTANA. 5 maýsym. QazAqparat - Úndistannyń Bıhar shtatynda sońǵy 8 kúnniń ishinde boljam boıynsha, entsefalıt indetinen 18 bala kóz jumdy, dep habarlady ITAR-TASS.
Agenttik málimetine qaraǵanda, 11 bala Mýzaffarpýr okrýginde jáne taǵy jeteýi Gaıa okrýginde qaıtys boldy. Ótken jyly osy shtatta entsefalıtten 150 adam kóz jumǵan bolatyn. Bıylǵy jyly bul indet qaıǵyly rekordqa jetpek. Birneshe ondaǵan bala aýyr halde jatyr. Moskıt masasy taratatyn bul indet 2005, 2007, 2009 jáne 2011 jyldary ár joly ondaǵan balanyń ómirin qıyp ketken bolatyn. Jergilikti dárigerlerdiń aıtýynsha, shtat aýrýhanalarynda qajeti dári-dármekter jáne aýrýdy anyqtaıtyn zamanaýı jabdyqtar jetispeıdi.
