Úndistannyń soltústiginde 2000 gektar orman otqa orandy, qaza tapqandar bar
ASTANA. QazAqparat - Úndistannyń soltústigindegi Ýttarkhand shtatynda ormandarda bolǵan órt kezinde alty adam kóz jumdy, dep habarlady RIA Novostı Times of India gazetine silteme jasap.
Jalyn shamamen 2000 gektar ormandy sharpydy.
«Qazir shamamen otqa qatysty shamamen 922 oqıǵa tirkeldi. Saldarynan alty adam qaza tapty, sonyń ishinde úsh áıel jáne bir bala bar. Jeteýi japa shekti. 1890,79 gektar jasyl jelek zaqymdaldy», - dedi jergilikti orman qorǵaý bıliginiń ókilderi.
Chamolı, Paýrı, Rýdrapraıag, Tehrı, Ýttarkashı, Pıthoragarh, Almora jáne Naınıtal aýdandary kóp zardap shekti. Tilsiz jaýdy aýyzdyqtaýǵa apat saldaryn joıý vedomstvosynyń 6 myńǵa jýyq qyzmetkeri tartyldy.
Jeksenbi otty sóndirýge ásker jumyldyryldy. Úndistan ÁÁK eki Mı-17 tikushaǵy tartyldy. Olar Bhımtal kólinen sý jetkizýde.
