Úndistannyń ShYU-ǵa kirý úderisi bastalady

ASTANA. QazAqparat - Shanhaı yntymaqtastyq uıymy (ShYU) Úndistannyń tolyqqandy uıym quramyna ený úderisin bastaıdy, dedi Reseı prezıdenti Vladımır Pýtın Úndistannyń Premer-mınıstri Narendra Modımen kezdesýinde. Bul týraly «Ýtro.rý» habarlady.

«Shanhaı yntymaqtastyq uıymyna Úndistannyń ený úderisin bastaımyz», - dedi V. Pýtın.

RF Prezıdenti Reseıdiń BRIKS-te tóraǵalyq etýine qoldaý bildirgeni úshin Modıge alǵys aıtty.

Prezıdent sammıt barysynda BRIKS elderi seriktestiginiń kópmerzimdik strategııasyn qabyldap, Damý Bankiniń jumysyn bastaý kerektigin aıtty.

Reseı, Qytaı, Qazaqstan, Qyrǵyzstan, Tájikstan men Ózbekstan - ShYU múshe elder. Al baqylaýshy statýsyna Mońǵolııa, Úndistan, Iran, Pákistan men Aýǵanstan ıe. 2014 jyldyń qyrkúıeginde Pákistan men Úndistan ShYU-ǵa kirý jónindegi resmı túrde ótinish bildirgen.