Úndistannyń shyǵysynda temirjolda bolǵan bomba jarylysynyń saldarynan qaza tapqan jolaýshylarynyń sany 15 adamǵa jetti
ASTANA. Mamyrdyń 28-i. QazAqparat - Úndistannyń shyǵysynda temirjolda bolǵan bomba jarylysynyń saldarynan apatqa ushyraǵan poıyzda mert bolǵan jolaýshylarynyń sany 15 adamǵa jetti,
taǵy 50-ge jýyq adam túrli jaraqat aldy, dep habarlaıdy «RIA «Novostı» agenttigi.
Buǵan deıingi aqparattarda, eń az degende 5 adamnyń qaza taýyp, 35 adamnyń jaralanǵany aıtylǵan edi. Jarylys jergilikti ýaqyt boıynsha saǵat 01.30-da bolǵan. "Gıaneshvarı Ekspress" poıyzynyń lokomotıvi men 13 vagony joldan shyǵyp ketip, olarǵa ekinish jolda kele jatqan taýarly poıyz soǵysqan.
Press Trast Of Indıa agenttiginiń habarlaýynsha, poıyz Mýmbaıdan Kolkataǵa (burynǵy ataýy Kalkýtta) bara jatqan. Apat Kolkatadan 130 shaqyrym jerde oryn alǵan.
