Úndistannyń shaı ındýstrııasyndaǵy ekologııalyq qaıshylyqty kórsetken uıym jabylýy múmkin
ASTANA. QazAqparat - «Grınpıs» ekologııalyq uıymy Úndistanda óz jumysyn toqtatýy múmkin dep habarlady, VVS agenttigi.
Sebebi, Úndistan bıligi halyqaralyq ekologııalyq uıymnyń banktegi esep shottaryn «tusap» tastaǵan.
Ekologtar qoldaǵy qarajat otyz kúnge ǵana jetetinin aıtady.
Úndistannyń Іshki ister mınıstrligi «Grınpıstiń» shottaryna sáýir aıynda tyıym salǵan. Mınıstrlik uıymdy salyq zańnamasyn buzyp, eldiń ekonomıkalyq múddesine qarsy shyqqanyn alǵa tartty.
Al, ekologtar Úndistandaǵy shaı ındýstrııasyndaǵy zııandy pestıtsıdterdiń qoldanylýyna qarsy júrgizgen zertteýler naýqany atalǵan jaǵdaıǵa sebep bolǵanyn jarııa etti.
