Úndistannyń ońtústigindegi sý tasqyny qurbandarynyń sany 269-ǵa jetti
ASTANA. QazAqparat - Úndistannyń ońtústigindegi Tamılnad shtatynda sý tasqyny saldarynan qaza tapqandardyń sany 296-ǵa jetti.
Bul týraly Úndistan ishki ister mınıstri Radjnath Sıngh málimdedi, dep habarlady TASS.
«Qurbandar sany 269-ǵa jetti, - dep atap ótti ol. - Apat aımaǵyna premer-mınıstr Narendra Modı attandy. Ol oqıǵa ornyndaǵy jaǵdaıdy baǵalaǵannan keıin odan ári qutqarý operatsııalary týraly sheshim qabyldaıdy». Budan buryn 188 adamnyń qaza tapqany habarlanǵan.
Sý tasqynyna eki aptadan beri tolastamaǵan nóser jaýyn sebep bolýda. Meteorologtardyń boljamynsha, bul jeksenbige deıin jalǵaspaq.
Apat saldarynan 230 myńnan astam adam baspanasyz qaldy. Chennaı qalasy, Tamılnad shtatynyń ákimshilik ortalyǵy eń kóp zardap shekkender qatarynda. Qalanyń 60 paıyzǵa jýyq turǵyny jaryqsyz otyr, 40 paıyzy mobıldik baılanyssyz qaldy. Chennaıde bilim mekemeleri jumysyn toqtatty. Áýejaı da belgili bir merzimge jabyldy.
