Úndistannyń ońtústiginde aptap ystyq qurbandarynyń sany 500-ge jetti
ASTANA. QazAqparat - Ońtústik úndistandyq Andhra-Pradesh jáne Telangana shtattarynda qatty ystyq saldarynan sońǵy tórt kúnde qaza tapqandardyń sany 500-ge jetti, dep jazady Times of India gazeti.
Budan buryn olardyń sany 335 bolǵan.
Jeksenbidegi aldyn ala derekter boıynsha, el ońtústigindegi aptap ystyqtan 165 adam qaza tapqan. Andhra-Pradesh shtatyndaǵy Machılıpatnam, Týnı qalalarynda aýa temperatýrasy 47 °C-qa jetken, dep habarlady RIA «Novostı» .
Meteorologtardyń derekterine súıensek, temperatýra taıaý kúnderi kóterile túspek. Bılik shtat turǵyndaryn abaı bolýǵa, kóshege kóp shyqpaýǵa shaqyrdy.
Úndistannyń kóp bóliginde jyldyń osy kezeńinde aýa temperatýrasynyń 40 gradýstan asýy - ádettegi aýa raıy qubylysy. Naýryz-maýsym aralyǵynda keıin jaýynmen almasatyn qurǵaq maýsym oryn alady. Bul elde sáýir men mamyr eń ystyq, qurǵaq maýsym sanalady.
