Úndistannyń on besinshi prezıdenti ant qabyldady
NЬıÝ-DELI. TASS – QazAqparat - Draýpadı Mýrmý dúısenbi kúni ant berip, resmı túrde Úndistannyń 15-shi prezıdenti bolyp saılandy. Úndistan telearnalary tikeleı efırde kórsetken saltanatty shara Nıý-Delıdegi el parlamentiniń ortalyq zalynda ótti, dep habarlaıdy QazAqparat TASS agenttigine silteme jasap.
«Táýelsizdiktiń 75 jyldyǵynda maǵan osy qyzmetke kelý baqyty buıyrdy. Bizge, táýelsiz Úndistan azamattaryna azattyq jolyndaǵy kúreskerlerimizdiń úmitin aqtaý úshin kúsh-jigerdi arttyrýǵa týra keledi», - dedi Mýrmý ant qabyldaǵannan keıin prezıdent retindegi alǵashqy sózinde.
Prezıdent saılaýy 18 shildede ótti. Oǵan el parlamentiniń joǵarǵy jáne tómengi palatalarynyń depýtattary, sondaı-aq 28 shtat pen eki odaqtyq aýmaqtyń zań shyǵarýshy jınalystarynyń (aımaqtyq parlamentterdiń) músheleri qatysty.
21 shildede daýys sanaldy, bıleýshi Bharatııa Djanata partııasy (Úndistan halyq partııasy) basqaratyn ulttyq demokratııalyq alıans atynan shyqqan Mýrmý 64 paıyzdan astam daýys jınap, birikken oppozıtsııa ókili ıAshvant Sınhadan áldeqaıda ozyp ketti.
Buǵan deıin Úndistannyń 15-inshi prezıdenti bolyp ulttyq-demokratııalyq alıansynyń kandıdaty 64 jastaǵy Draýpadı Mýrmý saılanǵanyn habarlaǵan bolatynbyz.
