Úndistannyń Manıpýr shtatyndaǵy ultaralyq qaqtyǵys saldarynan ondaǵan adam qaza tapty
ASTANA. QazAqparat – Resmı derekter boıynsha, Úndistannyń Manıpýr shtatyndaǵy ultaralyq qaqtyǵys saldarynan 30 adam qaza tapty, dep habarlaıdy QazAqparat VVS-ge silteme jasap.
Manıpýrdaǵy tártipsizdik osy aptada shtattyń ulttyq azshylyq uıymdarynyń shtattaǵy negizgi etnıkalyq topqa olarmen birdeı «taıpa» mártebesin berý josparyna qarsy mıtıngisinen keıin bastaldy.
Bir top adam úılerdi, avtokólik, shirkeý men hramdardy qıratty. Jergilikti basylymdar jarııalap jatqan resmı emes derekter boıynsha qaza tapqandar sany 54 adamǵa jetken.
10 myńnan astam adam búlikshilerden qorqyp, óz úılerinen qashýǵa májbúr bolǵan.
Myńdaǵan áskerı qyzmetshi shtatqa tártipti baqylaýǵa jiberildi.
Shtattyń keıbir aımaǵynda komendanttyq saǵat engizildi, ınternet buǵattaldy.
Kórshiles shtattar Manıpýrdaǵy stýdentterin evakýatsııalaýdy bastady.
Ásker jaǵdaıdy baqylaýǵa alyp jatqanyn málimdedi, biraq shtat basshylyǵyn tártipsizdikti toqtatý úshin jetkilikti kúsh salyp jatpaǵany úshin aıyptady.
Úsh mıllıon turǵyny bar Manıpýr Úndistannyń eń shaǵyn shtattarynyń biri. Ol eldiń soltústik-shyǵysynda, Mıanmanyń janynda ornalasqan.
