Úndistannyń Mıanmamen shekarasyndaǵy etnosaralyq qaqtyǵysta 130 adam qaza tapty

NЬıÝ-DELI. QazAqparat - Úndistannyń Mıanma shekarasyndaǵy Manıpýr shtatynda meıteı jáne kýkı taıpalary arasynda etnosaralyq qaqtyǵystar eki aıdan astam ýaqyt boıy jalǵasyp keledi. Mamyr aıynda eki áıeldi toptyq zorlaý oryn aldy, dep habarlaıdy QazAqparat euronews.com-ǵa silteme jasap.

Úndistan premer-mınıstri Narendra Modı eldiń soltústik-shyǵysyndaǵy Manıpýr shtatynda áleýmettik jelilerde eki áıeldi toptyq zorlaý vıdeosy taraǵannan eki aıdan astam ýaqytqa sozylǵan etnosaralyq qaqtyǵystar týraly túsinikteme berdi. Bul jaǵdaı bıliktiń shtattaǵy ınternetti buǵattap, sol jerge tilshilerdi jibermegenine qaramastan oryn alǵan.

«Manıpýr oqıǵasy kez kelgen órkenıetti qoǵam úshin uıat jaǵdaı. Men azamattardy kináliler jaýapsyz qalmaıtynyna sendirgim keledi. Zań óziniń barlyq kúshimen birinen soń biri qadam jasaıdy. Manıpýr qyzdarymen bolǵan oqıǵany eshqashan keshirýge bolmaıdy», - dedi N.Modı.

Manıpýrdaǵy qaqtyǵystar Úndistan bıligi jergilikti ındýıstik meıteı taıpasyna resmı túrde tanylǵan mártebe berý josparyn jarııalaǵannan keıin bastaldy: bul qaýymdastyq ókilderine memlekettik laýazymdar men bilim alý úlesine kepildik beredi, sonymen qatar olarǵa kýkı hrıstıandary turatyn taýly aımaqtardan jer satyp alýǵa múmkindik berildi. Kýkı hrıstıandary óz kezeginde ata-babalarynyń jerlerinen aıyrylyp qalýdan qorqady.

Mamyr aıynyń basynda qarsylas taıpalar kentterdi tonap, úılerdi órtep jiberetin áskerılendirilgen jasaqtar qurdy.

Qaqtyǵystar bastalǵannan beri kem degende 130 adam qaza tapty.