Úndistannyń kólik astanasynda Qazaqstan Qurmetti konsýlynyń keńsesi ashyldy
BEIJІŃ-DELI. QazAqparat - 2017 jylǵy 26 sáýirde Úndistannyń Tamıl nadý shtatynyń Chennaı qalasynda QR Qurmetti konsýldyǵy ashyldy. Konsýldyq okrýgke Karnataka men Kerala shtaty kiredi, ony belgili kásipker, «Kirtilals» kompanııasy basqarmasynyń tóraǵasy Sýradj Shantakýmar basqardy, dep habarlady Qytaıdaǵy «QazAqparat» HAA tilshisi.
Óz sózinde Úndistandaǵy Qazaqstan Elshisi Bolat Sársenbaev bıyl, eki el arasyndaǵy dıplomatııalyq qatynastardyń ornaǵanyna 25 jyl tolýya oraı, osy sharany ótkizýdiń mańyzdylyǵyn atap ótti. Dıplomat mekeme IT-ındýstrııa, mashına jasaý, týrıstik, kólik-logıstıkalyq ınfraqurylym, aýyl sharýashylyǵy salasyndaǵy Qazaqstan men Úndistannyń ózara tıimdi yntymaqtastyǵyn odan ári damytýǵa yqpal etetinine senimdilik bildirdi.
Qurmetti qonaq, Joǵarǵy sot sýdıasy Agarvala Qurmetti konsýldyqtyń ashylýy ekijaqty ekonomıkalyq baılanystardy tereńdetýge, ózara ınvestıtsııa aǵynyn ulǵaıtýǵa eleýli úles qosatynyna senimdilik bildirdi. Chennaı Úndistannyń iri ónerkásiptik ortalyqtarynyń biri bolyp tabylady. Eldiń avtomobıl astanasy sanalady.
