Úndistannyń iri kýrorttyq shtatynda alkogol satylymyn shektedi
ASTANA. QazAqparat - Jańa erejelerge sáıkes, spırttik ishimdikti satýǵa lıtsenzııany tek NЬıÝ-DELI-degi bes juldyzdy qonaq úılerdiń barlary ala alady, Úndistannyń joǵarǵy soty belgili kýrortty Kerala shtaty bıligi zańyn ózgerissiz qaldyrdy.
Bul týraly TASS habarlady.
Jańa erejelerge sáıkes, spırttik ishimdikti satýǵa lıtsenzııany tek bes juldyzdy qonaq úılerdiń barlary ala alady. Alkogoldi ishimdikterdi dúkenderden de satyp alýǵa bolmaıdy. Úndistanda alkogoldi paıdalanýdyń 14,9% Keralaǵa tıesili. Bıliktiń sanaýynsha, shtattyń 34,8 mln turǵyny spırttik ishimdikke kún saıyn 300 mln rýpıı ($5 mln) jumsaıdy eken. Qazir Gýdjarat jáne Nagalend shtattarynda, sonymen qatar Manıpýrdyń keı aýdandarynda spırttik ishimdik saýdasyna tyıym salyndy. Bul saladaǵy qatal zań Gýdjaratta kúshke ıe. Tıisti akt bul jerde 1960 jyly qabyldandy jáne ol alkogoldi ishimdikterdiń óndirisi men ony satýǵa ǵana emes, sonymen birge ony saqtaýǵa jáne paıdalanýǵa qatysty.
Sonymen qatar, 2016 jyldyń jazyna deıin Bıhar shtatynda alkogoldi satýǵa jarym-jartylaı tyıym salý kózdelgen. Úndistan turǵyny jylyna ortasha alǵanda 4,3 lıtr alkogoldi ishimdikti paıdalanady. Aýyldarda bul kórsetkish joǵary - jylyna 11,4 lıtr. DDSU aqparatynsha, Úndistan turǵynynyń úshten bir bóligi únemi ishimdikti paıdalanady. Kerala sheteldik týrıster arasyndaǵy Úndistannyń eń tanymal kýrorttyq shtaty. Jyl saıyn munda shamamen 11 mln úndistandyq pen 1 mln sheteldik keledi.
