Úndistannyń haıýanattar baǵynan 140 pil bosatylmaqshy
ASTANA. Qarashanyń 16-sy. QazAqparat - Taıaý ýaqyttary Úndistannyń barlyq qalalaryndaǵy haıýanattar baqtary men tsırkterinen pilder bosatylmaqshy,
dep habarlaıdy QazAqparat AFR saıtyna silteme jasap.
Eldiń ortalyq zoologııalyq basqarmasynyń jarlyǵyna sáıkes, janýarlar jabaıy tabıǵat jaǵdaıynda ómir súre alatyn pıtomnıkterge, qoryqtarǵa jáne rezervatsııalarǵa ornalastyrylatyn bolady.
Qoldaǵy derekter boıynsha, Úndistannyń 26 haıýanattar baǵynda jáne 16 tsırkte shamamen 140 pil ustalady. Tek Delı haıýanattar baǵynyń ózinde úsh pil tirshilik etedi. Janýarlardy kóshirý týraly sheshim qabyldaǵan sheneýnikter muny dene-turqy úlken janýarlardyń erkin júrip-turýlary óte kóp oryndy qajet etetinimen jáne pilderge jaıly bolý úshin qajetti jaǵdaılardy zamanaýı haıýanattar ustaý turaqtary da jasaı almaıtynymen túsindirdi.
Úndistanda 10 myńǵa jýyq pilder tirshilik etedi. Bul - pilderdiń Azııadaǵy eń úlken taralymy, alaıda olardyń ózi brakonerlikten jáne adamdar qyzmetteriniń qorshaǵan ortaǵa keltirgen zııanynan quryp ketýdiń az-aq aldynda tur.
