Úndistannyń burynǵy prezıdenti Abdýl Kalam dúnıeden ótti
ASTANA. QazAqparat - Úndistannyń burynǵy prezıdenti Abdýl Kalam 84 jasqa qaraǵan shaǵynda dúnıeden ozdy, dep habarlady úndistandyq Hindustan Times gazeti. Úndistan menedjment ınstıtýtynda dáris oqyp jatqan kezde Kalamnyń júrek talmasy ustap qaldy. Burynǵy memleket basshysynyń qazasyna oraı, elde jeti kúndik ulttyq qaraly kún jarııalandy.
Abdýl Kalam 2002-2007 jyldar aralyǵynda Úndistan prezıdenti boldy. Ahmadabadta Úndistan menedjmenti ınstıtýtynyń, úndistandyq Indordaǵy menedjment ınstıtýtynyń shaqyrtylǵan professory, ǵarysh ǵylymy men tehnologııalary ınstıtýtynyń kantsleri, Anna ýnıversıtetinde (Chennaı) aeroǵarysh ınjenerııasynyń professory, sondaı-aq Úndistannyń kóptegen basqa da ǵylymı-zertteý ınstıtýttarynda shaqyrtylǵan oqytýshy mindetterin atqarǵan. Ol Úndistannyń damýyna qatysty strategııalyq kóregendiligimen tanyldy, álemde de ózindik orny bar. «Úndistan-2020» kitabynda eldi tehnologııalyq ústem derjavaǵa aınaldyrý baǵdarlamasyn usynǵan.
