Úndistannyń Bıhar shtatynda naızaǵaı túsip, 17 adam qaza tapty
NЬıÝ-DELI. QazAqparat - Úndistannyń soltústik-shyǵysyndaǵy Bıhar shtatynda taıaýda kún kúrkirep, qatty jańbyr jaýdy. Bir táýlikte jaı túsip, 17 adam qaza tapty, olardyń kópshiligi egis alqabynda jumys isteıtin sharýalar. Bul týraly senbi kúni úndilik BAQ habarlady, dep habarlaıdy QazAqparat Sınhýa agenttigine silteme jasap.
Bıhardyń bas mınıstri Nıtısh Kýmar qurban bolǵandardyń otbasylaryna kómek kórsetiletinin habarlady. Ol adamdardy Tótenshe jaǵdaılar departamentiniń usynystaryn oryndaýǵa jáne múmkindiginshe aýa raıynyń qolaısyz jaǵdaıynda úıde bolýǵa shaqyrdy.
Meteorologtar aldaǵy úsh kúnde Bıhar men Úndistannyń basqa aımaqtarynda qatty jańbyr jaýady dep boljady.
Úndistanda mýssondyq jańbyr maýsymy maýsymnan qyrkúıekke deıin sozylady, bul ýaqytta qaıǵyly oqıǵalar da jıi oryn alady. Bıyl maýsym men shilde aılarynda Bıharda naızaǵaı soǵýynan 60-tan astam adam qaza tapty.
Foto: funart.pro
