Úndistannyń azamattyq belsendisi 15 jylǵa sozylǵan ashtyqty toqtatty
ASTANA. QazAqparat - Úndistannyń azamattyq belsendisi Irom Sharmıla 15 jyl buryn bastaǵan ashtyqty toqtatqany jáne saılaýǵa qatysýǵa daıyn ekenin jarııalady, dep habarlady russian.rt.
44 jastaǵy áıeldiń sózine qaraǵanda, ashtyq arqyly narazylyq bildirýi esh nárseni ózgerte almaǵandyqtan osyndaı sheshim qabyldaǵan. Belsendi Manıpýr shtatynyń zańnamalyq jıynyna kandıdatýrasyn usynatynyn aıtty, dep jazdy The Indian Express.
Úndistandyq 2000 jyldyń qarashasynda tamaq jeýden bas tartqan. Osylaısha ol qarýly kúshterdiń arnaıy ókilettilikteri týraly aktten bas tartýǵa qol jetkizbek bolǵan.
Sońǵy jyldary belsendini májbúrlep tamaqtandyrǵan.
