Úndistannyń aýylynda súıip qosylýǵa tyıym salyndy
ASTANA. 14 shilde. QazAqparat - Úndistannyń Ýttar Pradesh shtatynda ornalasqan aýylda jergilikti turǵyndarǵa bir-birin súıip qosylýǵa tyıym salynyp, áıelder úshin birqatar shekteýler qoıyldy, dep habarlady BBC Russian.
Aýyl keńesiniń músheleri súıip qosylǵan juptardy aýyldan qýdalaýǵa sheshim qabyldady. Sondaı-aq aqsaqaldar jasy 40-qa jetpegen áıelderge qoǵamdyq oryndarǵa jalǵyz barýǵa jáne uıaly telefondy paıdalanýǵa tyıym saldy.
Aıta keteıik, jas áıelder endige úılerinen shyqqanda bastaryn oramalmen búrkep alýlary qajet. Aýyl keńesi bul jańa «zańdy» jergilikti áıelderdiń qaýipsizdigin oılaý maqsatynda qabyldaǵandaryn aıtyp, alǵa tartýda.
