Úndistannyń áskerı kemesi Bengal shyǵanaǵynda apatqa ushyrady, qaza tapqandar bar
ASTANA. QazAqparat - Іshinde ekıpajdyń 28 múshesi bolǵan Úndistan áskerı-teńiz kúshteriniń torpeda ustaýshy kemesi eldiń ońtústik-shyǵys jaǵalaýynda sýǵa batyp ketti.
Apat saldarynan bir adam qaza tapty.
NDTV arnasynyń habarlaýynsha, qaıǵyly oqıǵa Andhra-Pradesh shtatyndaǵy eldiń iri aılaqtarynyń biri bolyp tabylatyn Vıshakhapatnam qalasynyń jaǵalaýynda oryn aldy.
Qutqarý operatsııalarynyń barysynda 23 adamdy ajaldan arashalap qalýdyń sáti tústi, al tórteýiniń taǵdyry belgisiz. Іzdeý jumystaryna tórt tikushaq, ushaq jáne qutqarý kemeleri jumyldyrylǵan.
Torpeda ustaýshy keme jaqynda basqa kemeler qoldanǵan oqý-jattyǵý torpedalaryn jınaý kezinde 370 metr tereńdikte sýǵa batqany habarlandy. Aldyn ala boljam boıynsha, oǵan keme qabyrǵasynda paıda bolǵan jaryq sebep bolýy múmkin.
