Úndistannan alynatyn úsh vaktsına qanshalyqty sapaly
Bul týraly Ortalyq kommýnıkatsııalar qyzmetinde eldegi koronavırýstyq ınfektsııaǵa qatysty aǵymdaǵy jaǵdaı jáne Qazaqstandaǵy vaktsınalardyń sapasy men satyp alý máselesine qatysty ótken brıfıngte aıtyldy, dep habarlaıdy QazAqparat tilshisi.
«Úndistannan mindetti túrde qoldanatyn úsh vaktsına alamyz. Onyń bireýi ADS-M vaktsınasy, ekinshisi qyzylshanyń aldyn alý úshin qoldanylatyn vaktsına, al úshinshisi týberkýlezge qarsy vaktsına. Úsh vaktsına da DDSU-nyń aldyn ala tekserisinen ótken. Óziniń arnaıy sertıfıkaty bar jáne álemniń 70 memleketinde qoldanylady. Olar nátıjeligi men qaýipsizdigin dáleldegen», - deıdi «SQ-Farmatsııa» JShS basqarma tóraǵasy Berik Shárip.
Onyń aıtýynsha, barlyq vaktsınanyń baǵasy týraly aıtý múmkin emes.
«Kóp vaktsına tikeleı sharttasqan kompanııalar arqyly alynady, ol qupııa aqparat bolyp sanalady. Biryńǵaı dıstrıbıýter satyp alýdy ótkizgen kezde bizdiń Densaýlyq saqtaý mınıstrliginde shekti baǵa qoıylady. Biz ol shekti baǵadan edáýir tómen baǵada satyp alyp otyrmyz», - deıdi ol.
