Úndistanǵa joıqyn daýyl tónip keledi: Poıyzdar toqtap, áýejaılar jabylyp jatyr
NUR-SULTAN. QazAqparat - Úndistannyń temirjol mınıstrligi «Fanı» qýatty tsıklonynyń jaqyndaýy saldarynan shyǵystaǵy Orıssa (burynǵy aty Odısha) shtatynyń aýmaǵynan ótetin 220 poıyzdyń toqtatylǵanyn málimdedi, dep habarlaıdy QazAqparat.
Juma kúni The Economic Times gazeti jazǵandaı, Úndistannyń azamattyq avıatsııa basqarmasy Bhýbaneshvar qalasynda áýejaıdyń jabylatynyn jarııalady. Juma kúni Kalkýttada da áýejaı jabylady.
Orıssa bıligi 1 mln adamdy evakýatsııalady. Olardy jaǵalaýdan shalǵaıda jatqan ýaqytsha ornalastyrý lagerlerine jaıǵastyrady.
"Fanı" tsıklony shtatqa Bengal shyǵanaǵy tarapynan kele jatyr. Meteorologtardyń esepteýi boıynsha, ol jaǵalaýǵa juma kúni jetýi tıis. Onymen birge qatty jel soǵyp, nóser jańbyr jaýady. Onyń ekpini 200 km/saǵatqa deıin jetedi. 1999 jyly osyndaı daýyldan 10 myń adam qaza tapqan edi. Sondyqtan, shtattyń úkimeti jaǵalaýǵa jaqyn jerde turatyn turǵyndary evakýatsııalaý týraly sheshim qabyldady.
