Úndistanǵa surapyl daýyl taıap qaldy: 800 myń adam evakýatsııalandy
NUR-SULTAN. QazAqparat - Úndistannyń shyǵysynda ornalasqan Orıssa shtatynyń bıligi jaqyndap kele jatqan «Fına» tsıklonyna baılanysty jaǵalaý mańynda turatyn 800 myń adamnyń evakýatsııalanatyndyǵyn málim etti, dep habarlaıdy QazAqparat Times of India gazetine silteme jasap.
Evakýatsııa beısenbi keshke qaraı aıaqtalýy tıis, dep atap ótti basylym. Adamdardy arnaıy jabdyqtalǵan ortalyqtarǵa, bilim berý mekemeleri men basqa da ǵımarattarǵa ornalastyryp jatyr.
«Fanı» shtat jaǵalaýyna juma kúni kúndiz jetedi dep josparlanyp otyr. Daýyldyń jyldamdyǵy saǵatyna 200 shaqyrymǵa jetýi múmkin. Jaǵalaý mańyndaǵy aýdandarda qatty jańbyr jaýýy yqtımal, dep habarlady gazet Úndistannyń Meteorologııalyq departamentine (IMD) silteme jasap.
