Úndistanǵa barǵan Aýstralııa azamattary 5 jylǵa deıin sottalýy múmkin

NUR-SULTAN. QazAqparat - Avstralııa úkimeti 3 mamyrdan bastap, sońǵy eki apta ishinde Úndistanǵa baryp-kelgen azamattarǵa elge kirýge ýaqytsha tyıym salady, dep habarlaıdy QazAqparat BBC-ge silteme jasap.

Aýstralııanyń Densaýlyq saqtaý mınıstri Greg Hant málimdemegendeı, bul sheshim Úndistandaǵy Covid-19 jaǵdaıynyń nasharlaýyna baılanysty Úkimet jınalysynan keıin qabyldandy.
Tyıym barlyq azamattarǵa, sonyń ishinde aýstralııalyqtarǵa da qatysty. Muny buzǵan azamattar 33-ten 66 myń aýstralııalyq dollarǵa deıin (25,5-ten 51 myń dollarǵa deıin) aıyppul tóleýi nemese bes jylǵa deıin bas bostandyǵynan aırylýy múmkin, dedi mınıstr.

Úkimet 15 mamyrda Úndistandaǵy epıdemıologııalyq jaǵdaıǵa baılanysty onyń sheshimin qaıta qaraýǵa nıetti.

Djons Hopkıns ýnıversıtetiniń málimetteri boıynsha, búgingi tańda Aýstralııada koronavırýs juqtyrǵandardyń jalpy sany 29,8 myń adamdy quraıdy.

Osyǵan deıin Aýstralııa premer-mınıstri Skott Morrıson Úndistanmen áýe qatynasyn toqtata turý kerektigin aıtqan edi. Kóptegen elderdiń bıligi de osyndaı sharalar qabyldaýǵa májbúr. Atap aıtqanda, Ulybrıtanııa Úndistandy eń qaýipti elderdiń qataryna qosty, áýe qatynasyn shektedi jáne barlyq kelýshilerge mindetti karantın engizdi.

Eske salsaq, Úndistan koronavırýs juqtyrǵandar sany boıynsha álemdik rekord ornatyp, eldegi jaǵdaı qıyndady. Birqatar el Úndistanmen áýe qatynasyn toqtaty.