Úndistandyqtar janarmaı men gaz baǵasynyń kóterilýine baılanysty narazylyq bildirýde

DELI. QazAqparat - Úndistan astanasy Delıde benzın men suıytylǵan gaz baǵasynyń ósýi kólik júrgizýshilerin ereýilge shyǵýǵa májbúrlep otyr, dep habarlaıdy QazAqparat hindustantimes.com saıtyna silteme jasap.

Agenttiktiń habarlaýynsha, birneshe kólik, taksı jáne fýrgon júrgizýshileri kásipodaǵy jol júrý aqysyn kóterý men janar jaǵarmaı, gaz baǵalaryn tómendetýdi talap etip, dúısenbide ereýilge shyǵýǵa sheshim qabyldady. Bul Delı mańynda qatynaıtyn jolaýshylar poıyzdarynyń júrýine kedergi keltirýi múmkin.

Kásipodaqtar Delı úkimetiniń tarıfterdi qaıta qarastyrý jónindegi komıssııa qurý týraly málimdemesine qaramastan, ereýildi toqtatýdan bas tartty.

Avtokólik kásipodaqtarynyń kóbisi birkúndik ereýilge shyǵatynyn málimdese, Delıdegi «Sarvodaya» júrgizýshiler qaýymdastyǵy dúısenbiden bastap merzimsiz ereýilge shyǵatynyn habarlady.

Eske sala keteıik, jaqynda Delı hatshylyǵynyń aldynda jınalǵan júzdegen kólik, taksı júrgizýshileri janarmaı men gaz baǵasyn sýbsıdııalaýdy talap etip, narazylyq sherýin ótkizdi.

Búginde Delıde 90 myńnan astam avtokólik jáne 80 myńnan astam taksı tirkelgen.