Úndistandyqtar uzyndyǵy 182 metr bolatyn tort pisirdi
ASTANA. QazAqparat - Úndistannyń ońtústigindegi Kerbala shtatynyń nan pisirýshileri rekord jasady. Olar osy eldegi eń úlken tortty pisirgen. Tátti taǵamnyń uzyndyǵy 182 metrge jetedi, ári aspazdar ult tulǵalary men mádenıetin jáne tarıhyn dáripteýdiń tyń tásilin tapqan, dep jazady khabar.kz.
26 sheberden quralǵan top alyp tortty daıyndaýǵa 20 saǵattan astam ýaqytyn jumsapty. Alyp taǵamnyń uzyn bolǵany sonsha, oǵan arnaıy shatyr tigilgen.
- Biz tortty pisirgen kezde tarıh, saıasat pen mádenıetti keńinen qamtýǵa bolatynyn kórsetkimiz keldi. Sóıtip, ár túrli sýretterdi arnaıy jınaqtadym. Bul tortqa 720 foto japsyrylǵan. Al salmaǵy - 3120 keli, deıdi naýbaıhanashy M.P.Ramesh.
Úndilik aspazdar osy sharanyń arqasynda tapqyrlyqtaryn ǵana emes, tarıhı zerdege uqyptylyǵyn da pash ete bildi. Bul elde eń alǵashqy tort osydan 131 jyl buryn, ıaǵnı 1883 jyly pisirilgen.
