Úndistandyqtar Túrkistan oblysyna taý-shańǵy kýrortyn salady
TÚRKІSTAN. QazAqparat - Almaty qalasynda Túrkistan oblysy ákiminiń orynbasary Meıirjan Myrzalıev «Chaudhary Group (CG Global)» transulttyq kompanııasynyń basqarma tóraǵasy Bınod Chaýdharı jəne atqarýshy dırektory Varýn Chaýdharımen kezdesti, dep habarlaıdy Túrkistan oblysy ákimdiginiń baspasóz qyzmeti.
Sondaı-aq, basqosýǵa «KAZAKH INVEST» UK» AQ ókilderi men QR Úndistandaǵy Tótenshe jáne Ókiletti elshisi Bolat Sarsenbaev qatysty.
Kezdesý barysynda M.Myrzalıev Túrkistan oblysyndaǵy birqatar qoljetimdi jobalardy tanystyryp, óńirdiń ınvestıtsııalyq múmkindikteri men qazirgi turmys-tirshiligi jaıynda tolyqqandy aqparat berdi.
Aımaqtyń múmkindikterinen habardar bolǵan «Chaudhary Group (CG Global)» kompanııasynyń ókilderi birqatar jobalardy júzege asyrýǵa nıetti ekendikterin bildirdi. Atap aıtqanda, qonaqtar «Qasqasý» taý-shańǵy kýrortyn salyp, soǵan laıyq qonaq úıler men ınfaqurylym júıelerin tartpaq. Jobany júzege asyrý úshin Ispanııa nemese Shveıtsarııadan tájirıbeli mamandardy tartýdy kózdep otyr. Sonymen qatar, Túrkistan óńirinen qonaq úı alyp, kespe ónimderiniń óndirisin keńeıtý jáne óńirde «Food Park» azyq - túlik parkin qurýdy aqyldasty.
Sondaı-aq, jıyn barysynda «Chaudhary Group (CG Global)» ókilderi Túrkistan oblysyna arnaıy jumys saparymen keletinderin aıtty. Іssapar aıasynda olar Qazyǵurt aýdanynyń ındýstrıaldy aımaǵynda bolyp, ondaǵy tez daıyndalatyn kespe óndirisi boıynsha zaýyt qurylysynyń barysymen tanysady.
Aıta keteıik, zaýyt 2019 jyldyń 1 shildesinde tolyq iske qosylady dep josparlanǵan. Jobanyń ınvestıtsııalyq quny 15 mln. AQSh dollaryn quraıdy. Óndirilgen kespe ónimderi Reseı, Ózbekstan jəne Qyrǵyzstan sııaqty kórshiles elderge eksporttaý kózdelýde.
