Úndistandyqtar Sochı Olımpıadasyna úsh sportshysyn ǵana attandyra alady
ASTANA. 16 qańtar. QazAqparat - Úndistannyń Sport mınıstrligi Sochı Olımpıadasyna baratyn úsh sportshynyń ǵana jol-pul shyǵyndaryn tóleıtindikterin jetkizdi,
dep habarlaıdy ITAR-TASS.
Sál burynyraq úndistandyq Qysqy sport túrleri federatsııasynyń basshysy Sýrendra Sıngh Patval Olımpıada oıyndaryna qatysý úshin qarajatymyz jetkiliksiz, dep málimdegen bolatyn.
Óz kezeginde Sport mınıstrligi Qysqy sport túrleri federatsııasyn talap etiletin qarajatty aldyn ala, ıaǵnı belgilengendeı, 90 kún buryn suramaǵany úshin aıyptady. Alaıda, shuǵyl qarjy bólýge ýáde berdi.
Atap aıtqanda, shanashy Shıve Keshavaný, taý shańǵyshysy Hımanshý Thakýrý, shańǵyshy Nadımý Ikbalý men olardyń jattyqtyrýshylaryna ekonom klastaǵy ushaq bıleti jáne sporttyq kıimder quny, sondaı-aq kúndelikti qajettilikteri úshin 50 dollardan tólenetin bolady.
