Úndistandyq jigit kezdesýden bas tartqan súıiktisiniń qolyn shaýyp tastady
ASTANA. QazAqparat - Úndistannyń Ýttar-Pradesh shtatynda 15 jasar qyz 19 jastaǵy Vınod Chýrazııamen kezdesýden bas tartqany úshin qoldarynan aıyryldy.
Bul jaıly Daily Mail basylymy habarlaıdy.
Jergilikti polıtsııa qyzmetkerleriniń málimetinshe, jas jigit qolyna semser alyp, qyz aǵasymen qydyryp júrgen bazarǵa kelgen. Vınod oqýshy qyzdy kezdesýge barýǵa uzaq úgittedi. Onyń qarsylyǵyn estigen soń ashýǵa erik berip qoldaryn bileginen kesip tastaǵan. Osydan keıin de birneshe jerin jaralaǵan. Sol mańaıdaǵy adamdar qyzǵa arasha túsip úlgerdi.
15 jastaǵy oqýshy qyz aýyr jaǵdaıda aýrýhanaǵa jetkizildi. Ol kóp qan joǵaltqan. Qazir polıtsııa qyzmetkerleri qyzdyń qaskúnemge qarsy túsinikteme berýi úshin onyń jaǵdaıynyń ońalǵanyn kútip otyr.
