Úndistandyq mátindi 47 sekýndta murnymen basyp shyǵyp, rekord ornatty
ASTANA. QazAqparat - Úndistandyq mátindi murnymen terý jyldamdyǵy boıynsha álemdik rekord ornatty. 23 jastaǵy Mohammed Khýrshıd Hýsseın 103 sózdi 47,44 sekýndta kompıýter pernesinde terip, basyp shyqty, dep habarlady vesti.ru.
Qoly arqasyna tańylǵan jas jigit «Gınnestiń rekordtar kitaby meniń bul sóılemdi eń qysqa ýaqytta jazýyma túrtki boldy» degen sóılem jazyp shyqty. Bul úndistandyq jigittiń ekinshi rekordy. Ol buǵan deıin aǵylshyn álipbıin nebári 3,43 sekýndta terip shyqqan edi. Ony reordsmen qoldarymen jazdy.
Mirror-dyń habarlaýynsha, jas jigit áripterdi murnymen terip, básekelestik deńgeıge jetý úshin úsh jyl boıy kúnine alty saǵattan jattyqqan. Aqyrynda ol 2008 jyly Dýbaıda ornatylǵan rekordtan asyp tústi. Ol kezde bul rekordty jasaǵan adam mátindi bir mınýt 33 sekýndta terip shyqqan edi.
«Eger rekord jasaǵyńyz kelse, árbir mıllısekýnd mańyzdy. Men bir kózimdi jumyp otyryp jazdym, áıtpese klavıshterdiń ornalasýyn seziný qıynǵa soǵar edi», dep Mohammed óz tájirıbesimen bólisti.
