Úndistandyq kedeı áıel banktik shotyna túsken mıllıard rýpııden qutyla almaı otyr
ASTANA. QazAqparat - Úndistannyń Merath qalasynyń turǵyny premer-mınıstr Narendrý Modıdan, qatelik saldarynan óziniń banktik shotyna túsken mıllıard rýpıı aqshany ne isteıtinine keńes berýin surady.
Bul týraly seısenbi, 27 jeltoqsan kúni The Financial Express basylymy jazdy. Shıtal ıAdav (Sheetal Yadav) fabrıkanyń qaptama bóliminde eńbek etedi, aı saıyn bes myń rýpıı jalaqy alady. 18 jeltoqsan kúni ol bank kartasyndaǵy aqshany shyǵaryp jatyp shotyna mıllıard rýpıı túskenin kóredi. Óz kózine ózi senbeı, bankomattaǵy úlken sandardy (999999394) kórýge kórshisin shaqyrady. Ol da kartasynda osynsha aqsha jatqanyn aıtady. ıAdav basqa bankomatqa baryp tekseredi, biraq ol jerde de sol somany kórsetedi. Áıel bankke júginedi. Eki kún ótkennen keıin onyń ótinishin qabyldaýdan bas tartady. Bank qyzmetkerleri bul máseleni qaramaýdyń jolyn izdep, syltaý aıtady.
Osydan keıin ıAdav erimen birge úkimet basshysyna hat jazýǵa bel býady. Áıel Modıdan bul máseleni sheshýge kómek berýin suraıdy.
