Úndistandyq IndiGo loýkosteri Qazaqstanǵa áýe reısterin ashady

ASTANA. QazAqparat - Úndistannyń IndiGo tómen bıýdjettik áýe kompanııasy 2023 jylǵy 15 tamyzdan bastap Delı – Almaty baǵyty boıynsha A-320 jáne A-321 tıpti áýe kemelerinde aptasyna 3 reıs jıiligimen Qazaqstanǵa ushýlardy bastaýdy josparlap otyr, dep habarlaıdy QazAqparat.

Indýstrııa jáne ınfraqurylymdyq damý mınıstrliginiń málimetinshe, IndiGo áýe akompanııasy - Úndistannyń eń iri tómen bıýdjettik tasymaldaýshysy. Loýkosterdiń Qazaqstannyń halyqaralyq tasymaldaý naryǵyna kirýi áýe bıletteriniń qoljetimdiligine oń áser etedi jáne básekelestikti arttyrady.

Qazaqstan men Úndistan arasyndaǵy reısterdiń ulǵaıýy elder arasyndaǵy saýda-ekonomıkalyq, iskerlik, ınvestıtsııalyq, týrıstik jáne mádenı yntymaqtastyqty odan ári damytýǵa yqpal etetin bolady.