Úndistandyq hırýrg estý qabileti nasharlaǵan 11 qazaqstandyq balaǵa operatsııa jasaıdy
ASTANA. QazAqparat - Otolarıngologııa salasynda álemdik deńgeıdegi maman Ashesh Bhýmkar estý qabiletin qalpyna keltirý úshin Astanada 11 balaǵa joǵary tehnologııaly operatsııa jasamaq. Mundaı operatsııa Qazaqstan men Ortalyq Azııada birinshi ret jasalynǵaly jatyr, dep habarlaıdy QazAqparat elorda ákimdiginiń medıa ortalyǵyna silteme jasap.
Estý qabiletinen aırylǵan balalardyń múddesin qorǵaıtyn «Mıkrotııa ı atrezııa» qoǵamdyq birlestigi UMC korporatıvti qorymen birlesip, tabıǵı estý qabiletin qaıtara alatyn úndi dárigeri Ashesh Bhýmkarmen sheberlik synybyn ótkizdi.
«Dáriger Ashesh Bhýmkar adam qolyna muryn men qulaq ósirip shyqqan ǵalymdardyń biri. Dáriger qazaqstandyq dárigerlerdi estý qabiletin qaıta qalpyna keltirý ádisi boıynsha oqytady. Іs-sharaǵa reseılik dárigerler de qatysady. Operatsııaǵa dabyl jarǵaǵy, protezden jasalǵan estý súıegi, estý joly t.b. jańalyqtar engiziledi», - deıdi «Makrotııa ı atrezııa» QB tóraıymy Malıka Sultan.
Onyń aıtýynsha, estý jolyn álemde tek sanaýly dárigerler ǵana asha alady. Sol sebepti, estý qabiletin qaıta qalpyna keltirý operatsııasy óte qymbat turady, ıaǵnı baǵasy 86 myń dollardy quraıdy. Al dáriger Bhýmkar kishkentaı balalardyń operatsııasyn 40 myń dollarǵa jasaýǵa kelisip otyr.
Sheberlik sabaǵy barysynda Ana men bala ulttyq ǵylymı ortalyǵy bazasynda respýblıka bıýdjetinen 11 balaǵa operatsııa jasalady. Bul operatsııa Qazaqstan men Ortalyq Azııada birinshi ret jasalynǵaly otyr.
«Burynyraq estýden máselesi bar balalarǵa sańyraý nemese neırosensor bolsa - estý apparatyn ımplanttap beretin. Bul shyn máninde shyǵyny kóp másele. Bhýmkardyń arqasynda estý jolyn ashyp, qulaqty qalpyna keltirse, bala tabıǵı túrde estıtin bolady. Qoǵamdyq birlestiktiń bolashaq josparynda dárigerdiń bir jyl Qazaqstanda bolýyn qamtamasyz etetin joba jasamaqshy. Ol bir jyl ishinde júzden asa operatsııa jasaýdyń múmkindigin qarastyrady», - dedi M. Sultan.
Qazaqstanda «Mıkrotııa atrezııa» dıagnozymen 700 bala tirkelgen.
«Osyndaı operatsııanyń arqasynda naýqas balalar kádimgi qulaqqa ıe bolady. Ol tabıǵı tin, sondyqtan qorqýdyń qajeti joq jáne eń bastysy qulaqqa balanyń óz qulaq terisin paıdalanady. Terini aǵzasyndaǵy basqa jerinen almaıdy», - deıdi dáriger Bhýmkar.
Operatsııadan keıin barlyq patsıentter ǵylymı ortalyqtaǵy statsıonardan ońaltýdan ótedi jáne alty aptadan keıin hırýrgtyń keńesin alýǵa keledi.
