Úndistandyq ǵalymdar zaǵıp jandarǵa arnalǵan belgi beretin smart-taıaqsha oılap tapty

Ónertapqyshtar SmartCane dep ataǵan qurylǵy joǵary bóligi ýltradybysty lokatormen jabdyqtalǵan dástúrli aq taıaqshadan turady. Ol kedergilerdi anyqtap, ony eńserýdiń yqtımal jolyn kórsetedi, sosyn bul týraly dirildetkish arqyly paıdalanýshyǵa habarlaıdy.

Kózi nashar kóretin adamdar paıdalanatyn kádimgi aq taıaqsha tizeden tómen kedergilerdi eńserýge qolaıly, alaıda tizeden joǵary aǵash butaqtary, ǵımarat qabyrǵalary sııaqty deńgeıden joǵary kedergilerden qorǵaı almaıdy. Delıdegi Úndistan tehnologııalyq ınstıtýtynyń ǵalymdary zaǵıp adamdardyń ómirin jeńildetýge qabiletti osyndaı arzan qurylǵy jasap shyǵardy.

Taıaqshanyń joǵary bóligindegi sensor úsh metrge deıin qashyqtyqtaǵy ýltradybysty tolqyndar belgisin qabyldaıdy ári jibere de alady. Qandaı da bir kedergi bul tolqyndardyń jolyn bógese, olar keri qaıtyp, sensormen aıqyndaıdy. Paıdalanýshyǵa alda kedergi bar ekenin sezdirerde qurylǵynyń dirildetkishi iske qosylady.

Aq taıaqshaǵa bekitilgen qurylǵy akkýmýlıator batareıasymen jumys isteıdi. 132 gramm salmaqpen smart-taıaqshany túrli rejimde - úıde, kóshede paıdalanýǵa bolady, ári joǵary bóligin jeke alyp (sońǵy jaǵdaıda tizeden tómen kedergi belgisi bolmaıdy) paıdalanýǵa bolady.

Zertteý kórsetkendeı, qurylǵy qalypty taıaqshany paıdalanyp jol júrgende ketken ýaqytty únemdeýge kómektesti.

Qýaty toltyrylǵan akkýmýlıator úzdiksiz segiz saǵat jumys isteı alady. SmartCane ázirleýshileri aspaptyń sezimtaldyǵy sonsha, qatty jaýyn kezinde de dirildetkish iske qosylady, alaıda jer deńgeıiniń, mysaly baspaldaqtaǵy ózgeristi aıqyndaı almaıdy.