Úndistandyq áıel 10 myń metr bıiktikte bosandy
ASTANA. QazAqparat - Saýd Arabııasynan Úndistanǵa bara jatqan úndiniń Kerala shtatynyń turǵyny ushaq 10 myń metr bıiktikke kóterilgen kezde bosandy.
Kezdeısoq oqıǵa jeksenbi kúni Ed-Dammamnan Kochchıge bara jatqan Jet Airways avıakompanııasy ushaǵynda boldy. Bul kezde bortta 162 jolaýshy bar edi. Áıeldiń tolǵaǵy bastalǵanda ushaq ekıpajy shuǵyl medıtsınalyq kómek qajettiligi týyndaǵan tótenshe jaǵdaı týraly habarlady. Artynsha áýe kemesine Mýmbaı áýejaıyna qonýǵa týra keldi.
Bosandyryp alý kezinde ekıpajǵa Keralaǵa bara jatqan medbıke kómektesti. Ushaq qonǵannan keıin ana men náreste jergilikti aýrýhanaǵa jetkizilgen. Olardyń jaǵdaılary qalypty. Artynsha ushaq saparyn qaıta jalǵastyrdy.
Avıakompanııanyń málimdeýinshe, bul Jet Airways ushaqtary bortynda bolǵan alǵashqy oqıǵa. Osyǵan baılanysty sábıge ómir boıy tegin ushý quqy berildi.
