Úndistandyq 150 juptyń úılený toıynyń shyǵynyn gaýhar tas satýshy kóterdi (FOTO)
ASTANA. QazAqparat - Úndistandyq Gýdjarat shtatynda 150 jup jappaı úılený toıy rásimin ótkizdi. Barlyq shyǵyndy gaýhar tas satýshy Mahesh Savanı óz moınyna alǵan.
Úsh kúnge jalǵasqan saltanatty rásim barysynda qalyńdyqtar qyzyl, jasyl, qyzǵylt sarıler kıgen.
Mereke uıymdastyrýshy 7 jyldan beri ákesiz ósken boıjetkenderdiń toıyn uıymdastyrýmen aınalysyp keledi. Olardyń jasaýlaryn da qamtamasyz etip beredi eken.
100 myń qonaq qatysqan 150 juptyń úılený toıyna Savanı 250 myń dollar qarajat jumsady. Ol mundaı iske jaratqan aqshasyn shyǵynǵa balamaıtynyn jetkizdi.
