Úndistandaǵy jarylys: 6 adam qaza tapty, úsheýi aýyr halde
ASTANA. QazAqparat - Úndistannyń soltústigindegi Bıdjnor qalasynda ornalasqan hımııalyq zaýytta jarylys bolyp, úsh adam aýyr jaraqat aldy, alty adam qaza tapty, dep habarlaıdy UNI agenttigi.
Agenttiktiń málimetinshe, zardap shekken azamattar asa aýyr halde aýrýhanada jatyr.
Polıtseılerdiń maǵlumattaryna sáıkes, apatqa gaz ballonynyń jarylýy sebep bolǵan. Jarylystan keıin ǵımarattyń ishi otqa oranǵan. Qurbandarynyń barlyǵy - zaýyt jumysshylary.
India TV telearnasynyń málimetinshe, oqıǵa ornynda órt sóndirýshiler jumys jasap jatyr. Arnaıy qyzmet ókilderi ázirge tilsiz jaýdyń betin qaıtara almaýda.
