Úndistandaǵy jaǵajaıda qumnan jasalǵan 100 Santa-Klaýs paıda boldy
ASTANA. Jeltoqsannyń 29-y. QazAqparat - Úndistandyq sýretshi Sýdarshan Patnaık qumnan 100 Santa-Klaýs jasap, onymen kýrortty Pýrı qalasynyń jaǵajaılaryn bezendirdi,
dep habarlaıdy QazAqparat BBC News saıtyna silteme jasap.
Qumnan jasalǵan Santa-Klaýstardy sýretshi jahandyq jylyný problemasyna adamdardyń nazaryn aýdarý úshin jasady. Buǵan deıin Patnaık osy taqyrypqa rojdestvolyq shyrshany beıneleıtin músindik kompozıtsııany arnaǵan bolatyn.
Áýlıe Nıkolaıdyń 100 músinin jasaý úshin myń tonnaǵa jýyq qum jáne 36 saǵat ýaqyt qajet boldy. Patnaıkke jumys isteýde Altyn qum óneri ınstıtýtynyń 20 stýdenti kómektesti.
