Úndistandaǵy ushaq apaty: 18 adamnyń denesi jáne «qara jáshik» tabyldy
NUR-SULTAN. BBC-QazAqparat – Tergeýshiler Úndistannyń juma kúni apatqa ushyraǵan Air India Express ushaǵynyń «qara jáshigin» tapty. Qutqarý operatsııasy aıaqtaldy, dep habarlaıdy QazAqparat BBC agenttigine silteme jasap.
Aıta keteıik, 190 jolýshysy bar ushaq juma kúni Kojıkode qalasyndaǵy «Kalıkýt» áýejaıyna qonar kezde apatqa ushyrady. Sońǵy málimetter boıynsha, apat saldarynan eki ushqyshty qosa alǵanda barlyǵy 18 adam mert bolǵan.
Ondaǵan adam zardap shegip, 156 adam aýyr jaraqat aldy. Bul Úndistanda sońǵy onjyldyqta bolǵan eń iri áýe apaty.
Dýbaıdan qaıtyp kele jatqan «Boıng 737», ushaǵy jańbyrdyń saldarynan jolaqta taıǵanap, ekige bólinip qalǵan. Ushaqta koronavırýs saldarynan ózge elde qalyp qoıǵan Úndistan bolǵan. IX 1134 reısinde 184 jolaýshy bolǵan. Olardyń arasynda 10 náreste men 6 ekıpaj múshesi bar.
Qaıńyly jaǵdaıǵa baılanysty búgin Qazaqstan Prezıdenti Qasym-Jomart Toqaev Úndistan halqyna kóńil aıtty.
