Úndistandaǵy ushaq apaty 158 adamnyń ómirin qıyp ketti, segiz adam aman qaldy
ASTANA. Mamyrdyń 24-i. QazAqparat - Dýbaıdan Úndistannyń Mangolor shtatyna ushqan "Boıng-737-800" ushaǵynyń apaty Úndistandaǵy sońǵy 14 jyldaǵy eń úlken apat boldy.
Resmı málimetter boıynsha, bortta bolǵan 166 adamnyń 158-i qaza boldy, segiz adam ǵana aman qaldy. Qutqarýshylar 150-ten astam adamnyń máıitin alyp shyqty, dep habarlaıdy ITAR-TASS agenttigi.
"Eır Indıa" kompanııasy ókilderiniń habarlaýynsha, ushaqta 160 jolaýshy, 6 ekıpaj múshesi bolǵan. «Barlyq jolaýshylar - úndi azamattary, aralarynda sheteldikter joq», dep habarlady kompanııadan. Ekıpajdyń bes múshesi úndilikter bolǵan. «Tek ushaq kapıtany ǵana shyqqan tegi serbtik Ulybrıtanııa azamaty bolǵan», - dep naqtylady áýe kompanııasynan.
Úndistannyń azamattyq avıatsııa mınıstri Prafýla Patelanyń aıtýynsha, ushqyshtar «óte tájirıbeli mamandar bolǵan». Keme komandıri, "Eır Indıa" kompanııasynda sońǵy eki jyl boıy kelisimshart boıynsha jumys istep kelgen 53 jastaǵy Zlatko Glýshıtsa - 10 myń saǵat, ekinshi ushqyshtyń 4 myń saǵat ushý saǵaty tirkelgen.
